Tekur undir með VG og vill að þing komi saman

Bjarni Harðarson, þingmaður Framsóknarflokksins, tekur undir beiðni þingflokks Vinstri grænna að Alþingi komi saman eftir verslunarmannahelgi til að fjalla um stöðu og horfur í efnahags- og atvinnumálum.

,,Ég tek undir tillögu Vinstri grænna," segir Bjarni sem telur að mál málanna þegar þing kemur saman í september verði þær efnahagsþrengingar sem þjóðin standi frammi fyrir.

,,Ríkisstjórnin situr aðgerðalaus og það er léttara fyrir hana að viðhalda því ástandi þegar að aðhald þingsins er ekki fyrir hendi," segir Bjarni.