Segir LÍN brjóta jafnræðisreglu

Vaka, félag lýðræðissinnaðra stúdenta, sendi á dögunum fyrirspurn til Lánasjóðs íslenskra námsmanna sökum meints brots á jafnræðisreglu.

Vaka fullyrðir að í úthlutunarreglum LÍN sé jafnræðis ekki gætt milli íslenskra skiptinema erlendis og íslenskra nema í föstu námi erlendis.

,,Þessi mismunun veldur því að íslenskir skiptinemar erlendis sem sækja um framfærslulán neyðast til að taka á sig gengistap sem fellur hins vegar ekki á íslenska nema í föstu námi erlendis," segir í fyrirspurninni.

Félagið segist ekki sjá að um málefnanlega mismunun sé að ræða og krefst þess að úthlutunarreglunum verði breytt á þann veg að útborgun námslána miði í báðum tilfellum við gengi útborgunardags.

Fyrirspurnina í heild sinni er hægt að lesa hér.