Tæpar 30 milljónir söfnuðust í Perlunni

Rúmar tuttugu og átta milljónir söfnuðust á Glæsimarkaði í Perlunni í gær. Ágóði af sölu og uppboði nam 18 milljónum og við það bætast framlög að upphæð 10 milljónum króna.

Þetta þýðir að uppbygging skóla fyrir börn og konur í Jemen, sem Jóhanna Kristjónsdóttir hefur haft frumkvæði að, verður að veruleika. Áætlað er að bygging hans muni kosta um þrjátíu miljónir króna. Aðsóknin í gær fór fram úr björtustu vonum að sögn skipuleggjenda en biðröð var út að dyrum þegar markaðurinn í Perlunni var opnaður. Hann verður einnig opinn í dag til klukkan fimm.