Glæsileg stúdíóíbúð Parisar

Ef að áfrýjun Parisar Hilton gengur ekki upp mun hún brátt flytja inn í þessa stórgóðu stúdíóíbúð. Íbúðin er sirka 2,5 sinnum 3,5 metrar að flatarmáli. Í henni er þægileg tveggja hæða koja. Þá er bæði heitt og kalt vatn til staðar í henni ásamt klósetti. Klósettið er ekki í sérherbergi til þess að leggja áherslu á að um stúdíóíbúð sé að ræða.

Klefafélagi hennar, hver sem það verður, mun því geta fylgst með Paris á innilegum stundum, ef viðkomandi hefur ekki þegar gert það á internetinu. Ef Paris flytur í stúdíóíbúðina mun hún búa þar frá 5. júní næstkomandi og dvelja þar í 45 daga.