Fasteignaverð tvöfaldast á Húsavík

Fasteignaverð hefur allt að tvöfaldast á Húsavík síðan viljayfirlýsing var gefin út um álver við Bakka. Uppgangurinn er sá mesti í bænum í þrjá áratugi.

Húsvíkingar hafa á undanförnum árum leitað víða fanga í atvinnuuppbyggingu en án árangurs. Gildi sjósóknar fór þverrrandi, fasteignir lækkuðu í verði og fóklsflótti var úr bænum.

En nú er öldin önnur. Húsavíkurbær tók í síðustu viku framkvæmdalán upp á 600 milljónir króna og nýbbyggingar spretta upp eins og gorkúlur. Ástæðan: Líkleg stóriðja á Bakka á vegum Alcoa.

Hilmar Þór keypti nýverið 5 einingahús af Loftorku á Akureyri. Hann á ekki von á erfitt verði að selja þau, en fyrir aðeins tveimur árum hefðu slík viðskipti flokkast undir óðs manns æði, segja heimamenn.

Reiknað er með 1.500 manna byggð í viðbót ef af álverinu verður. Fyrst og fremst mun sú byggð sem fyrir er þéttast. Það verður hins vegar ekki fyrr en á næsta ár sem Alcoa-menn gefa endanlegt svar um hvort af álveri verður við Bakka, norðan Húsavíkur.