Leikjanet bregst við óheppilegu atviki

Stjórnendur vefsins Leikjanet hafa ákveðið hýsa nær alla leiki sjálfir og að hætta að vísa á erlenda vefi, aðra en sérstaka barnavefi. Þetta er gert til að koma í veg fyrir að erlendir aðilar geti komið inn óæskilegum skilaboðum með leikjum eftir að á þá er vísað.

„Þessi ákvörðun var tekin eftir að við vísuðum á erlenda síðu þar sem var auglýsing um stefnumótaþjónustu á Netinu. Þessi auglýsing kom inn á erlendu síðuna eftir að Leikjanet hafði vísað á hana og án þess að við hefðum áttað okkur á breytingunni. Vísunin var vitaskuld fjarlægð um leið og þetta varð ljóst," segir Arthúr Ólafsson hjá stýrihóp Leikjanets.

Arthúr segir það rangt sem fullyrt hafi verið í fjölmiðlum í vikunni að ögrandi kynferðislegt efni hefði birst á forsíðu Leikjanets og að slíkt hefði oft gerst.