Norskir fjölmiðlar fjalla um mál Erlu Óskar

Mál Erlu Óskar Arnardóttir Lilliendahl vekur ekki bara athygli hér heima. Norskir fjölmiðlar fjalla um málið í dag þar sem meðal annars er talað um fund Ingibjargar Sólrúnar og sendiherra Bandaríkjanna á Íslandi.

Það er norski fréttavefmiðillinn adressa.no sem fjallar um málið undir fyrirsögninni „Íslensk kona fékk harða meðferð í New York"

Mál Erlu Óskar er síðan rakið í fréttinni en hún var stöðvuð við komuna á JFK flugvöll í New York um síðustu helgi. Þar var henni haldið í 15 klukkustundur og var hún án matar og drykkjar lengst af. Hún hafði unnið sér það til sakar að hafa dvalið 3 vikum of lengi í landinu árið 1995. Einnig var hún sett í fót- og handjárn og teymd í gegnum flugstöðina.

Ingibjörg Sólrún Gísladóttir utanríkisráðherra hefur farið fram á að Erla Ósk fái afsökunarbeiðni frá Bandarískum stjórnvölduml.