Þjófagengi á Akureyri

Sýslumaðurinn á Akureyri þingfesti í dag mál á hendur sjö strákum, fæddum á árunum frá 1987 til 1990, fyrir fjölmörg þjófnaðar og nytjastuldbrot sem þeir frömdu á þriggja mánaða tímabili síðasta vetur.

Drengirnir, sem allir eru 17 til 20 ára, fóru í alls níu ránsleiðangra víðs vegar um Akureyri og stálu því sem fyrir varð. Meðal þess sem drengirnir höfðu upp úr krafsinu í þessum leiðangrum sínum voru vélsleðar, handverkfæri, myndvarpar, myndvélar og fleira.

Við þingfestingu málsins í Héraðsdómi Norðurlands Eystri í dag játuðu allir drengirnir sök í málinu nema einn en hann var fjarverandi þegar málið var þingfest. Málið var dómtekið og er niðurstöðu að vænta innan nokkura vikna.