Norður-Írar á fylleríi fyrir leikinn gegn Íslandi

Samkvæmt fjölmiðlum í Norður-Írlandi voru landsliðsmenn Norður-Íra hafi verið drekkandi áfengi nokkrum dögum fyrir leikinn gegn Íslandi í síðasta mánuði.

Norður-Írland tapaði fyrir Lettlandi á útivelli í byrjun september og mættu svo Íslandi á næsta miðvikudegi. Lettland vann leikinn, 1-0, og þurftu því Norður-Írar nauðsynlega að vinna leikinn í Reykjavík.

Sjónarvottar hafa komið fram sem halda því fram að nokkrir landsliðsmenn hafi verið með áfengi um hönd síðar um kvöldið eftir leikinn gegn Lettum.

„Við ákváðum að stoppa á McDonalds til að fá okkur að borða,“ sagði einn sjónarvotturinn. „Þá kom leigubíll með nokkra leikmenn landsliðsins innanborðs. Til að mynda Chris Baird fyrirliða, Steve Jones og Steve Davis.“

„Við sáum að það var mikið af áfengi í bílnum. Það var sorglegt að sjá þá í þessu ástandi svo skömmu fyrir mikilvægan leik. Ef þetta var viðhorfið hjá þeim áttum við ekki möguleika á Íslandi.“

Ísland vann leikinn gegn Norður-Írum, 2-1.