Sameinað orkufélag á um helming í Hitaveitu Suðurnesja

Við sameiningu Reykjavík Energy Invest og Geysis Green Energy í eitt félag í gær, er komin upp sú staða að nýja félagið á tæplega helming í Hitaveitu Suðurnesja. Þá er þess skammt að bíða að þrír erlendir fjárfestar eignist líka hlut í Hitaveitunni með þátttöku í hlutafjárauklningu í nýja félaginu.

Reiknað er með að erlendu fjárfestarnir eigi allt að tuttugu og fjórum prósentum í nýja félaginu. Samkomulag er um að veitukerfin í sveitarfélögunum á Reykjanesi verði aðskilin og eigi Reykjanesbær áfram meirihluta í þeim.