Stjörnur prýddu góðgerðartískusýningu í London

Í gær fór fram góðgerðartískusýningin Fashion For Relief í London. Sýningin var sú síðasta á tískuvikunni í London og miðaði að því að safna fé til styrktar þeim sem urðu illa úti í flóðunum sem gengu yfir Bretland í sumar.

Ofurfyrirsætan Naomi Campbell var einn aðal skipuleggjandi sýningarinnar og fékk til liðs við sig ekki ómerkari fyrirsætur en Yasmin Le Bon, Elle Macpherson, Jodie Kidd og margar fleiri. Sýnd voru föt frá mörgum af þekktustu tískuvöruframleiðendum heims og má þar nefna Burberry, Alexander McQueen, Dior, Dolce & Gabbana, Pepe Jeans, og Vivienne Westwood.

Sýninguna sóttu margar af helstu stjörnum heims og var því um að ræða sannkallaða stjörnuveislu.