Blóðdropinn, ný glæpasagnaverðlaun

Stjórn Hins íslenska glæpafélags hefur stofnað til Íslensku glæpasagnaverðlaunanna. Þau verða veitt í fyrsta sinn sunnudaginn 23. september nk. í Iðu, bókaverslun í Lækjargötu og hefst athöfnin klukkan 17.00. Félagið hefur látið búa til verðlaunagrip sem hefur hlotið nafnið Blóðdropinn.

Bókin sem hlýtur Íslensku glæpasagnaverðlaunin Blóðdropann verður einnig framlag Íslands til norrænu glæpasagnaverðlaunanna Glerlykilsins sem verður afhentur næst vorið 2008.

Allar íslenskar glæpasögur ársins 2007 koma til greina en dómnefnd Hins íslenska glæpafélags hefur valið verðlaunabók úr þeim hópi. Tilnefndar bækur voru þessar í stafrófsröð eftir titlum: Farþeginn eftir Árna Þórarinsson og Pál Kristinn Pálsson, Hið stórfenglega leyndarmál heimsins eftir Steinar Braga, Konungsbók eftir Arnald Indriðason, Morðið í Rockville Stellu Blómkvist, Sá yðar sem syndlaus er eftir Ævar Örn Jósepsson, Sér grefur gröf Yrsu Sigurðardóttur, Skipið eftir Stefán Mána, Skuldadagar eftir Jökul Valsson