Britney sleppt með viðvörun

Poppprinsessan Britney Spears kann svo sannarlega að gefa í. Ekki er hún bara að taka sjálfa sig í gegn þessa dagana heldur var hún stoppuð fyrir hraðakstur á föstudagskvöld. Var hún að keyra meðfram Sunset Boulevard í Beverly Hills þegar lögreglan stoppaði hana.

Slapp hún þó með skrekkinn í þetta sinnið þar sem hún fékk að halda áfram leiðar sinnar gegn viðvörun, og slapp við að greiða sekt.

Síðast komst Britney komst í fréttir vegna ökulags síns í fyrra þegar mynd náðist af henni með son sinn, Sean Preston, í kjöltu sér undir stýri.