Fundaði með formanni hermálanefndar NATO

Valgerður Sverrisdóttur utanríkisráðherra átti í dag fund með Raymond Henault, formanni hermálanefndar Atlantshafsbandalagsins. Fram kemur í tilkynningu frá utanríkisráðuneytinu að rætt hafi verið um samskipti Íslands og Atlantshafsbandalagsins og framlög Íslands til aðgerða á vegum þess, einkum í Afganistan.

Þá gerði utanríkisráðherra grein fyrir þeim ábyrgðum sem Ísland hefur þegar tekið að sér innan Atlantshafsbandalagsins eftir brotthvarf bandaríska varnarliðsins frá Keflavíkurflugvelli. Enn fremur var rætt um íslenska loftvarnarkerfið og lofthelgiseftirlit við Ísland en unnið er að tillögum innan bandalagsins um útfærslu þess.

Utanríkisráðherra upplýsti formann hermálanefndarinnar jafnframt um tvíhliða viðræðum Íslands við grannþjóðir á norðanverðu Atlantshafi um öryggismál.