Charles prins að verða afi

Charles Bretaprins er að verða afi. Það eru þó ekki ungu prinsarnir Vilhjálmur og Harry sem bera ábyrgð á þeim gleðiviðburði heldur Tom Parker Bowles, sonur Camillu Parker-Bowls, frá fyrra hjónabandi, sem er að verða faðir í fyrsta skipti, 32 ára að aldri. Barnsmóðir hans er eiginkonan Sara Buys.

Þau hjónin eru bæði blaðamenn og Sara mun vera komin þrjá mánuði á leið. Tom Parker-Bowles segir að móðir hans sé himinlifandi yfir að verða amma, en ekki fer sögum af því hvernig Charles hefur brugðist við.