Öfundsjúkir læknar

Mikil ólga er meðal leikaranna í læknaþættinum Grey´s Anatomy vegna þess að Kate Walsh sem leikur Dr. Addison Montgomery, fær sérstakan þátt um sína persónu, sem verður gerður samhliða aðalþáttunum. Allir leikararnir vildu ólmir fá sinn hliðarþátt og eru sagðir mjög afbrýðisamir út í Walsh.

Svona hliðarþættir eru alþekkt fyrirbrigði og ganga mismunandi vel. Eitt besta dæmið um velgengni er líklega þegar Kelsey Grammer fékk þættina um hinn geðþekka geðlækni Dr. Frasier, upp úr þáttunum um Staupastein. Gjörðist drjúgt ríkur á því.

Persóna Kate Walsh kom ekki til sögunnar fyrr en talsvert var liðið á Grey´s Anatomy, og þeir leikarar sem hafa verið með frá upphafi finnst þeir eiga fremur skilið en hún að fá sinn eigin þátt.