Ég var edrú

Lögfræðingur Nicole Richie sagði fyrir rétti í gær að hún væri saklaus af ákæru um að hafa ekið undir áhrifum áfengis og lyfja, þegar hún var handtekin í desember síðastliðnum. Nicole er dauðhrædd við að lenda í fangelsi, því hún hefur áður verið handtekin og dæmd fyrir svipaðar sakir. Stúlkan mætti ekki sjálf í réttarhöldin.

Samkvæmt lögum í Kaliforníu er hægt að dæma fólk í allt að eins árs fangelsi ef það er tekið fyrir ölvun við akstur tvisvarsinnum á innan við tíu árum. Við það bætist fésekt og svipting ökuskírteinis. Nicole er nokk sama um peningana, hún á nóg af þeim. Hinsvegar trúði hún vinkonu sinni Britney Spears fyrir því að hún væri dauðhrædd við að vera send í fangelsi.