Vara fólk við vafasamri markaðssetningu fæðubótarefna

Neytendasamtökin vara fólk við varasamri markaðssetningu fæðubótarefna og afeitrunarmeðferða og þeim hræðsluáróðri sem stundum ríkir gegn venjulegum mat eins og það er orðað á heimasíðu samtakanna.

Þar segir að læknar hafi bent á að að mörg fæðubótarefni geti verið beinlínis hættuleg eða í besta falli gagnlaus. Neytendasamtökin segja oft um að ræða rangar og villandi upplýsingar í markaðssetningu efnanna og bendir á Hollywood-kúrinn því til staðfestingar. Þar hafi verið um að ræða appelsínusafa á uppsprengdu verði.

Benda Neytendasamtökin fólki á að kynna sér vöru vel áður en hún er keypt og jafnvel geyma kvittanir því ef efnin skili ekki tilætluðum árangri sé jafnvel hægt að krefjast endurgreiðslu.