Hákon Eydal fékk sextán ára dóm

Hákon Eydal var dæmdur í sextán ára fangelsi 29. september 2005 fyrir að hafa myrt fyrrverandi sambýliskonu sína, Sri Rhamawati, þann 4. júlí 2004.

Hákon var fundinn sekur um að hafa veist að Sri, slegið hana í höfuðið fjórum sinnum með kúbeini, vafið taubelti um háls hennar og kyrkt hana.

Hákon viðurkenndi verknaðinn en krafðist sýknu vegna ósakhæfi.

Hæstiréttur komst hins vegar að þeirri niðurstöðu, eins og héraðsdómur, að hann væri sakhæfur og við ákvörðun refsingar var litið til þess að atlagan hafi verið heiftarleg og meðferð Hákons á líkinu smánarleg, en hann kom því fyrir í hraunsprungu í nágrenni Hafnarfjarðar.

Hákon reyndist lögreglu erfiður við rannsókn málsins og afvegaleiddi hana með því að halda því fram að hann hefði hent líkinu í sjóinn á Kjalarnesi.

Við mat geðlæknis kom fram að hann væri ábyrgur gerða sinna og sýndi engin merki sturlunar. Einnig kom fram við rannsókn að hann iðraðist ekki gerða sinna.