Hasselhof ítrekað lagður inn vegna áfengiseitrunar

,,Hann hefur farið undir dulnefni á bráðamóttökuna á Cedars-Sinai sjúkrahúsinu í Los Angeles að minnsta kosti tólf eða þrettán sinnum vegna áfengiseitrunar." sagði Pamela Bach við Us Weekly tímaritið. Hún segir hann einnig hafa farið í þrjár meðferðir á árunum 2001 til 2004.

Lögfræðingur Hasselhoff neitar ásökununum.

Yfirlýsingar eiginkonunnar fyrrverandi koma í kjölfar myndbands sem birtist fyrr í mánuðinum af stjörnunni. Þar sést hann ofurölvi að berjast við það að koma niður hamborgara, á meðan hann hreytir ónotum í dóttur sína.

Hasselhof og Bach voru gift í sextán ár áður en upp úr slitnaði í fyrrasumar. ,,Hann var besti vinur minn og stóra ástin í lífi mínu. En með tímanum gróf áfengissýki hans undan hjónabandinu." ,,Börnin elska föður sinn út af lífinu. Þau vilja bara að honum batni" sagði Bach við tímaritið.