Slökkviliðsmenn á ferð

Níu fræknir hjólagarpar í slökkviliði höfuðborgarsvæðisins lögðu af stað á laugardaginn alla leiðina frá Fonti á Langanesi. Þaðan hjóla þeir sem leið liggur suður yfir Sprengisand þar sem þeir eru staddir núna. Þeir ætla að enda eftir helgi úti á Reykjanestá.

Eins og nærri má geta þurfa þeir að hafa nóg að bíta og brenna og svo var komið að eitthvað var farið að ganga á birgðirnar. Því fengu þeir félaga sína hjá Landhelgisgæslunni til að fljúga með sitthvað til sín í dag.

Oddur Ástráðsson, fréttamaður Íslands í dag, slóst með í för.