Brokeback Mountain veldur sálarstríði ungrar stúlku

Fjölskylda tólf ára stúlku hefur kært Ashburn grunnskólann í Chicago fyrir vanrækslu, nauðungarvist og að særa blygðunarkennd stúlkunnar með því að sýna bekknum hennar Óskarsverðlaunamyndina Brokeback mountain í fyrravetur.

Myndin fjallar um samkynhneigða kúreka sem fella hugi saman.

Samkvæmt kærunni olli myndin stúlkunni miklum sálarkvölum, henni leið eins og hún væri föst í skólastofunni og gæti sig hvergi hrært. Þá segir að sálarstríði stúlkunnar sé hvergi nærri lokið, og hún sé enn í sálfræðimeðferð vegna atviksins.

Fjölskyldan fer fram á um 25 milljónir króna í skaðabætur.