Krefjast þess að stjórnvöld efni loforð sín

Verkalýðsfélag Húsavíkur og nágrennis krefst þess að stjórnvöld efni loforð um aðgerðir í atvinnumálum í ályktun þar sem félagið harmar uppsagnir nærri tuttugu starfsmanna hjá GPG Fiskverkun og Sniðlum síðustu daga á Raufarhöfn og í Mývatnssveit. Í ályktuninni segir ljóst að þetta sé töluvert áfall fyrir byggðirnar, ofan á áföll síðustu ára með lokun Kísiliðjunnar í Mývatnssveit, loðnubræðslunnar á Raufarhöfn og tilflutnings á veiðiheimildum Jökuls úr byggðarlaginu. Þrátt fyrir loforð stjórnvalda um aðgerðir í atvinnumálum á svæðinu hafi lítið orðið um efndir.