Kaupsamningum fækkar nokkuð milli mánaða

Þinglýstum fasteignakaupsamningum á höfuðborgarsvæðinu fækkaði um nærri 18 prósent milli janúarmáðanar í ár og desember í fyrra samkvæmt tölum Fasteignamats ríkisins.

Alls var 522 samningum þinglýst við sýslumannsembættin á höfuðborgarsvæðinu í janúar og nam heildarveltan 18,5 milljörðum króna. Á desember í fyrra voru samningarnir hins vegar 635 og veltan einnig 18,5 milljarðar en í ár var meðalupphæð á hvern samning um milljón hærri en í fyrra, eða um 30 milljónir.

Hins vegar fjölgaði kaupsamningum í janúar í ár eilítið og veltan jókst sömuleiðis í samanburði við janúar í fyrra. Þá var þinglýst 516 kaupsamningum og var upphæð veltu 14,7 milljarðar króna.