Cowell: Ég er meiri stjarna en Springsteen

Ljúfmennið lítilláta Simon Cowell lýsti því yfir í sjónvarpsþættinum 60 mínútur að hann væri fimm sinnum meiri stjarna en Bruce Springsteen. Í spjallinu kom það til tals að Springsteen hefði gert nýjan samning við Sony, sem færði honum 100 milljónir dollara. Cowell sagði þá að hann hefði selt miklu fleiri albúm en Springsteen undanfarin ár. Hann ætti því skilið að fá 500 milljónir dollara.

Cowell var ekkert að fara út í að hann væri nú ekki sjálfu flytjandi á þessum albúmum, heldur söngvararnir sem hefðu tekið þátt í American Idol undanfarin fimm á.

Hann taldi sig bara fimm sinnum meiri stjörnu en Springsteen. Maður veltir því fyrir sér hversvegna þessi viðmótsþýði gæðingur sé sá maður í heiminum sem fólk hefur mest gaman af að hata.