Skemmdir unnar í kirkjugarði

Lögreglan á Suðurnesjum handtók 17 ára ölvaðan dreng við Hátún í Reykjanesbæ, í nótt, þar sem hann var að berja á glugga íbúðarhúss með merktum leiðiskrossi. Við nánari skoðun kom í ljós að drengurinn hafði verið í kirkjugarðinum við Aðalgötu, þar sem hann hafði skemmt ljósaskreytingar á 13 leiðum í garðinum og tekið einn merktan leiðiskross. Einnig hafði hann brotið stóra rúðu í nýja kirkjugarðshúsinu í garðinum. Drengurinn var handtekinn og færður í fangelsi og bíður yfirheyrslu seinna í dag þegar runnin er af honum áfengisvíman.