Dita er glamúrgella

Háklassa-strippgellan Dita Von Teese segist ekki hafa áhuga á náttúrulegri fegurð. „Ég hef mun meiri áhuga á glamúr,“ segir hún. „Hin unga Marilyn Monroe var einungis falleg stúlka í heilum hafsjó af fallegum stúlkum. Það var ekki fyrr en hún aflitaði á sér hárið og setti á sig gerviaugnahár sem hún varð sérstök. Þetta er hugmyndin um að það sem þú sért ekki fædd með, getir þú búið til.“

Von Teese hefur oft viðurkennt að hafa farið í brjóstastækkun. Hún er þekkt fyrir gamaldags stíl og segist hafa sótt innblástur hjá gamalli frænku. „Frænka mín, Opal, teiknaði á sig fegurðarbletti, notaði grænan augnskugga og litaði hárið á sér logandi rautt. Hún reykti sígarettur með sígarettuhaldara og blótaði eins og sjóari. Flestum fannst hún ógeðsleg en mig langaði að vera nákvæmlega eins og hún.“