Stella mótmælir á netinu

Stella McCartney mun setja á svið fyrstu netmótmæli í heimi gegn pelsum þann 12. júlí næstkomandi. Þá hyggst hún mótmæla notkun á dýrafeldi í tískuheiminum en þetta gerir hún í samvinnu við PETA dýraverndunarsamtökin.

„Við erum alltaf að leita að nýjum aðferðum til þess að vekja athygli á þessu málefni og þeirri slæmu meðferð sem viðgengst á svokölluðum feld-býlum.

Við stukkum því á tækifærið þegar Stella kom með þessa hugmynd,“ sagði Ingrid Newkirk forseti PETA.

Þeir sem heimsækja síðuna munu eiga kost á að finna upp á slagorði í anda fyrri slagorða PETA og sigurvegarinn verður valinn af McCartney sjálfri,“ sagði Ingrid en í fyrstu verðlaun eru miðar á tískusýningu Stellu fyrir sumarið 2008 í París.

Slóðin á heimasíðuna er www.secondlife.com.