Breytt landslag stjórnmála rætt á fundi VG

Flokksráðsfundur Vinstrihreyfingarinnar - græns framboðs verður haldinn á Hótel Flúðum föstudaginn 31. ágúst og laugardaginn 1. september. Katrín Jakobsdóttir setur fundinn klukkan 17. Steingrímur J. Sigfússon fer yfir hlutverk Vinstri grænna í breyttu landslagi íslenskra stjórnmála

Fjallað verður sérstaklega um hlutverk og rekstur almannaþjónustu í íslensku samfélagi og leiðir Ögmundur Jónasson þá umræðu. Að auki verða almennar stjórnmálaumræður á dagskrá.

Á laugardeginum fjallar Sigþrúður Jónsdóttir, náttúrufræðingur og einn af stofnendum áhugahóps um verndun Þjórsárvera, um þá miklu baráttu sem náttúruverndarsinnar hafa háð um Þjórsá síðustu árin. Í beinu framhaldi af flokksráðsfundinum verður farið í sumarferð Vinstri grænna sem er ganga undir leiðsögn Bjargar Evu Erlendsdóttur meðfram neðri hluta Þjórsár.