Þjófar mikið á ferðinni

Nokkuð hefur verið um innbrot á höfuðborgarsvæðinu í dag og í nótt. Brotist var inn í hús í Mosfellsbæ og þaðan stolið tölvum, tölvuskjáum, fartölvu og myndavél. Ekki er vitað hvort einn eða fleiri þjófar hafi þar verið á ferð en talið er að þeir hafi farið inn um glugga. Þjófar sem fóru inn í hús í Kópavogi komust einnig inn um glugga en þeir höfðu á brott með sér fartölva og sjónvarpstæki. 

Smáræði af skiptimynt var tekin í verslun í Hafnarfirði og farið var inn í bílskúr á Álftanesi og þaðan stolið rafmagnsverkfærum. Einnig hefur lögreglu borist tilkynningar um innbrot í bíla í dag en ekki hefur tekist að hafa uppi á þjófunum. Lögreglan telur ástæðu til að brýna fyrir fólki að læsa hurðum og loka gluggum til að tryggja að óboðnir gestir komist ekki inn.