Ekki siðlaus

Ástralska söngkonan Kylie Minogue hefur vísað á bug fréttum um að hún eigi í ástarsambandi með kvæntum manni. Kylie, sem er 38 ára, var ljósmynduð í Chile með kvikmyndaframleiðandanum Alexander Dahm, sem á ófríska eiginkonu.

„Ég hef aldrei haldið framhjá mínum kærustum og mér fyndist það algjörlega siðlaust að vera í sambandi með kvæntum manni,“ sagði Kylie í yfirlýsingu sinni.

Kylie hitti Dahm í Suður Ameríku vegna baðfatamynda sem voru teknar af söngkonunni fyrir verslunina H&M. Sást til þeirra í bátsferð saman og að snæða hádegisverð.