Einar Bárðarson kandídat í dómarasæti breska X-Factor

„Ég get svo sem alveg eins verið í sjónvarpinu hér í Englandi og röflað einhverja þvælu eins og á Íslandi. Ef til þess kemur,” segir Einar Bárðarson oft nefndur umboðsmaður Íslands. Einar er nú til athugunnar hjá Simon Cowell og fyrirtæki því sem framleiðir sjónvarpsþættina X-Factor í Englandi en nú er verið að stokka hann upp og fá inn nýja dómara.

Um gríðarlega mikinn og vinsælan þátt er að ræða. Louis Walsh (umboðsmaður Westlife og Girls Aloud) er hættur sem dómari og óvíst hvort Sharon Osbourne snúi aftur þar sem það er verið að spá í hana fyrir American Idol - og hún er nú þegar tekin við dómarasæti í Americas Got Talent.

Í vikunni var tilkynnt að Danni Minogue, systir Kylie Minogue, verði í dómarasætinu. Simon Cowell verður að sjálfsögðu áfram, en óvíst er með hina tvo - því stefnt er að fjögurra manna dómnefnd í Bretlandi. Forsvarsmenn keppninnar ytra höfðu samband við Sagafilm Sagafilm að forsvarsmenn X-Factor þar ytra hefðu haft samband við Sagafilm sem beðið var að setja saman myndskeið með Einari að störfum. Ástæðan fyrir því áhuga þeirra á okkar manni kann að vera sú að Einar var kynntur sem Simon Cowell Íslands í stórri grein í Telegraph í mars en þar var verið að fjalla um skjólstæðing Einars – Garðar Cortes.

Einar sjálfur staðfestir þennan áhuga við Fréttablaðið. „Jájá og jújú, þetta er monster risa stór þáttur. Við skulum orða það þannig að ég myndi taka vel í það en ég býst alls ekki við því að þessi verði niðurstaðan – það er örugglega fólk sem talar betri ensku, er frægara og er framar í röðinni.”