Gríðarlegur verðmunur hjá tannlæknum

Gríðarlegur verðmunur er á þjónustu barnatannlækna, samkvæmt opinberum samanburðartölum. Reikningar dýrustu tannlæknanna eru 130% yfir gjaldskrá ráðherra en þeir ódýrustu sex prósentum undir. Tannlæknum er meinað að auglýsa svo neytendur geta trauðla gert samanburð og valið ódýrasta kostinn.

Kosnaður vegna barnatannlækninga hefur verið í umræðunni enda sláandi upplýsingar nýbirtar um tannheilsu barna. Henni hefur hrakað undanfarin ár og ljóst að tannskemmdir eru stéttbundnar.

Árum saman hefur engin samningur verið í gildi við tannlækna en Tryggingastonfun hefur endurgreitt 75% kostnað miðað við einhliða ákvarðaða gjaldskrá ráðherra. Hún er langt undir raunkostnaði.

Í dag hefur TR birt tölur um þennan mun. Kostnaður vegna almennra tannlækninga er að meðaltali 34% yfir gjaldskrá ráðherra. En þetta er vel að merkja meðaltal. Tryggingastofnun bendir á gríðarlegan mun á milli tannlækna. Þannig er gjaldskrá dýrasta tannlæknisins 130% yfir gjaldskrá ráðherra en ódýrasti tannlæknirinn er að rukka 6% undir henni.

Þessi munur sést ef dæmi er tekið af barni sem þarf skoðun, tvær röntgenmyndir og flúorlökkun. Gjaldskrá Tryggingaastofnunar metur þetta verk á rúmelga 7500 krónur, og borgar 75% af þeirri upphæð - tæplega 6300. En meðaltal tannlæknanna er hátt í ellefu þúsund krónur. - Mismuninn borga foreldrar. Munurinn á hæsta verði þessara flokka er gríðarlegur. Ef miðað er við hæstu reikninga fyrir þessi viðvik myndi reikningurinn hljóða uppá yfir 31 þúsund. Samantekt á lægsta verði fyrir þessi þrjú verk myndi enda í innan við 3000 króna reikningi.

Tryggingastofnun bendir á að á sama tíma og stigið hafi verið skref í átt að fjrálsri samkeppni sé tannlæknum bannað að auglýsa og því torvellt að gera verðsamanburð. Skrefið hafi því ekki verið stigið til fulls og það sé neytendum til tjóns.