Dæmdir fyrir metamfetamínsmygl

Héraðsdómur Reykjaness hefur dæmt tvo Litháa í annars vegar átta mánaða og hins vegar fjögurra mánaða fangelsi fyrir að reyna að smygla hátt í 300 grömmum af metamfetamíni til landsins.

Mennirnir voru gripnir með efnin í Leifsstöð í lok október. Báðir játuðu brot sín fyrir dómi og var ekki talin þörf á frekari sönnunarfærslu í málinu. Mennirnir sögðust myndu una dómunum og þá lýsti ákæruvaldið því yfir að málinu yrði ekki áfrýjað til Hæstaréttar. Frá dómum mannanna dregst gæsluvarðhald sem þeir hafa sætt frá 30. október.