Nýja hús Actavis tekið í notkun

Actavis hefur tekið formlega í notkun nýja rannsóknar- og þróunarbyggingu í Hafnarfirði. Í nýbyggingunni er öll þróunarvinna félagsins á Íslandi nú sameinuð undir einu þaki og jafnframt er þar hluti af starfsemi gæðasviðs félagsins.

Hið nýja hús er alls 3.200 fermetrar og er því veruleg viðbót við rannsóknastofur fyrirtækisins. Ráðist var í nýbygginguna í kjölfar sífellt vaxandi þróunarvinnu á vegum Actavis hér á landi. Starfsmenn í nýja húsinu verða rúmlega 100 talsins en alls eru starfsmenn þróunarsviðsins á Íslandi yfir 130.

Heildarkostnaður við húsbygginguna nemur rúmum 850 milljónum króna.