Nýjustu tölur úr Norðausturkjördæmi

Samkvæmt nýjustu tölum úr Norðausturkjördæmi þá er Sjálfstæðisflokkurinn að bæta við sig einum manni. Samfylking er líka að bæta við sig manni og Vinstri grænir standa í stað. Eftir að þessar tölur komu inn er komið í ljós að Sjálfstæðisflokkur er kominn niður fyrir 36% á landsvísu.

Samfylkingin er komin yfir 30% og er nú með 30,2% fylgi á landsvísu. Ingibjörg Sólrún sagði í samtali við Vísi að það væri eðlilegt að stjórnarandstaðan ræði saman um myndun nýrrar ríkisstjórnar.

Eftir að 11.000 atkvæði höfðu verið talin höfðu þau fallið á eftirfarandi veg:

B - 2352 - 21,4%

D - 3107 - 28,2%

F - 535 - 4,9%

I - 137 - 1,2%

S - 2505 - 22,8%

V - 2235 - 20,3%

Auðir seðlar voru 120 talsins og ógildir voru níu.