Veslings Borat

Hinn heimsfrægi fréttamaður Borat, frá Kazakstan, er óvænt orðinn fórnarlamb mannréttindabrota. Í mannréttindaskýrslu bandaríska utanríkisráðuneytisins, er kafli þar sem Kazakstan er gagnrýnt óvægilega fyrir ritskoðun og önnur alvarleg mannréttindabrot.

Sacha Baron Cohen, sem bjó til fígúruna Borat, hefur raunar aðallega átt undir högg að sækja í Bandaríkjunum sjálfum, fyrir kvikmynd sína um enskusnillinginn frá Kazakstan.

Fjölmargir þeirra sem hann ræddi við í myndinni hafa farið í mál við hann og krafist skaðabóta vegna þess að hann hafi blekkt þá. Þeir hafi haldið að Borat væri "alvöru" fréttamaður frá hinu nú heimsþekkta ríki í Mið-Asíu. Rétt er að taka fram að Borat hefur farið með sigur í öllum málaferlum hingaðtil.