Jólakortapeningarnir renna til Barnaspítala Hringsins

Avant hf. styrkir Barnaspítala Hringsins um 500 þúsund krónur í stað þess að gefa jólagjafir í ár. Styrkurinn mun renna í starfsþróunarsjóð Barnaspítalans. Magnús Gunnarsson, framkvæmdastjóri Avant hf., afhenti nýverið Önnu Ólafíu Sigurðardóttur og Sigurði Kristjánssyni styrkinn. Avant hf. (þá Sjóvá fjármögnun hf.) veitti Barnaspítala Hringsins einnig styrk fyrir jólin í fyrra.

Meginhlutverk Barnaspítala Hringsins er að hafa forystu í heilbrigðisþjónustu við börn og unglinga á Íslandi og veita veikum börnum og fjölskyldum þeirra þá bestu þjónustu sem mögulegt er. Samhliða þessu starfi er kennsla, fræðsla og rannsóknir órjúfanlegur þáttur starfseminnar. Þannig vill Barnaspítali Hringsins gegna forystuhlutverki á sviði heilbrigðisvísinda og rannsóknarstarfsemi sem tengist börnum og unglingum á landinu og annast um leið grunn- og framhaldsmenntun heilbrigðisstétta.