Innlent

Kæra ekki álverskosningu

Samtökin Hagur Hafnarfjarðar ákváðu í dag að kæra ekki álverskosninguna í Hafnarfirði heldur að láta kyrrt liggja. Þau telja að ekki hafi verið um skipulagða fólksflutninga að ræða í þeim mæli að ráðið hefði úrslitum. Þau benda engu að síður á að íbúaflutningar til bæjarins hafi verið óvenju miklir í marsmánuði en vísa því á bæjaryfirvöld að meta hvort ástæða sé til að skoða málið frekar.

Sögusagnir hafa verið um að álversandstæðingar hafi gagngert skráð sig til heimilis í Hafnarfirði til að geta kosið gegn stækkun álversins í Straumsvík. Stjórn Hags Hafnarfjarðar kom saman í dag til að meta hvort kæra ætti kosninguna en stækkun var hafnað með aðeins 88 atkvæða mun. Ingi B. Rútsson, formaður samtakanna, sem studdu stækkunina, les það út úr íbúatölum að 70 prósent fleiri hafi skráð sig til heimilis í Hafnarfirði í marsmánuði en skráðu sig að jafnaði í janúar og febrúar. Þetta jafngildi því að fjölgað hafi á íbúaskrá um 130 fleiri í mars en í mánuðunum á undan. Þrátt fyrir þetta ákvað stjórn Hags Hafnarfjarðar einróma að kæra ekki.

Mest lesið


Fleiri fréttir

Sjá meira


×

Mest lesið