Verðlaunaður fyrir að stuðla að framgangi stærðfræði í Lettlandi

Benedikt Jóhannesson, framkvæmdastjóri Heims og fyrrverandi formaður Íslenska stærðfræðifélagsins, hlaut í síðustu viku Atis Kronvalds verðalunin í Lettlandi, sem eru virtustu verðlaun Letta í menntamálum. Hann er jafnframt fyrsti útlendingurinn til þess að hljóta þessi verðlaun.

Fram kemur í tilkynningu frá aðstandendum verðlaunanna að Benedikt, sem er doktor í stærðfræði, hafi í yfir áratug gefið út kennslubækur í stærðfræði fyrir gagnfræða- og menntaskóla í Lettlandi í samstarfi við lettneska prófessor í stærðfræði. Þá er hann einnig verðlaunaður fyrir aðkomu sína að Ólympíuleikunum í stærðfræði, bæði hér á landi, í Lettlandi og á alþjóðavettvangi

Benedikt tók við verðlaunum í forsetahöllinni í Ríga á fimmtudag að viðstöddum Valdis Zatlers, forseta Lettlands og Baibu Rivza, menntamálaráðherra landsins.