Britney breytir erfðaskrá sinni

Britney Spears hefur látið breyta erfðaskrá sinni til að tryggja að móðir hennar, Lynne, fái ekki forræði yfir tveimur sonum Britneyjar og Kevins Federline, Sean Preston og Jayden James. Yngri systir Britneyjar, Jamie Lynne, mun í staðinn erfa eignir söngkonunnar og fá forræði yfir sonum hennar þegar söngkonan fellur frá, að því er National Enquirer greinir frá. Látist Britney áður en Jamie Lynne verður sjálfráða fellur forræðið í skaut frænku hennar, Alli Sims, þangað til að Jamie nær 21 árs aldri.

Upp úr slitnaði á milli mæðgn­anna á dögunum þegar Britney sakaði móður sína um að hafa neytt sig til að leggjast inn á meðferðarheimilið Promises. Lynne hefur verið vongóð um að deilan leysist fljótt og vel, en svo virðist ekki ætla að vera.