Vill kanna samvinnu við Ísland

Forsætisráðherra Tyrklands, Recep Tayyip Erdogan, hefur óskað eftir fundi með Ólafi Ragnari Grímssyni, forseta Íslands, til að ræða mögulega samvinnu við Íslendinga um nýtingu jarðhita í Tyrklandi.

Erdogan óskaði eftir þessu að lokinni setningarathöfn ráðstefnu Efnahags- og framfarastofnunarinnar, OECD, um framfarir þjóða sem haldin er í Tyrklandi.

Erdogan vísaði til góðs árangurs Íslendinga í nýtingu jarðhita og reynslu af svona verkefnum um allan heim. Tyrkland býr yfir miklum auðlindum á þessu sviði sem eru lítið nýttar.