Réði nýjan lögfræðing

Pamela Bach, fyrrverandi eiginkona „strandvarðarins" Davids Hasselhoff, hefur ráðið sér nýjan lögfræðing í forræðisdeilu sinni við Hasselhoff. Bach ákvað að reka síðasta lögmann sinn skömmu eftir að Hasselhoff hlaut forræði yfir tveimur dætrum þeirra, þrátt fyrir að myndir hafi verið birtar af honum á netinu ofurölvi. Bach hefur áfrýjað málinu og ætlar sér ekki að tapa í þetta sinn.

Hasselhoff og Bach giftust árið 1989 en skildu í janúar á síðasta ári. Gekk skilnaðurinn endanlega í gegn í ágúst síðastliðnum.