Sprækir salsa-diplómatar 8. maí 2007 08:30 Skoskt salsa með alþjóðlegu ívafi Hljómsveitin Salsa Celtica leikur á Vorblóti í annað sinn. Hljómsveitin Salsa Celtica snýr aftur til Íslands til að leika á heimstónlistarhátíðinni Vorblót. Tónlist hennar er frumleg blanda af suðrænni sveiflu og norrænum áhrifum sem vakið hefur stormandi lukku og fjör í fótum um allar jarðir. Trompetblásarinn og slagverksleikarinn Toby Shippey er einn af stofnendum sveitarinnar, sem fyrir rúmum áratug byrjaði að bræða saman blóðheita latíntónlist og keltneska tónlistarhefð í Edinborg í Skotlandi. Hann kveðst kátur yfir annarri Íslandsheimsókn enda skemmtu hljómsveitarmeðlimir sér afbragðsvel síðast. „Hljómsveitin byrjaði reyndar sem meiri félagsskapur en hugmynd um eitthvert risaband. Ég vissi ekki mikið um salsatónlist til að byrja með, við vorum bara að prófa okkur áfram.“ Tónlistarlífið í Edinborg er einstakt og Shippey útskýrir að hljómsveitin hefði vart getað orðið til annars staðar. „Hér er mjög fjölbreytt tónlistarlíf en það koma ekki margar frægar rokksveitir frá Endinborg, meira um djasstónlistarmenn, þjóðlagamúsík, hiphop og soul-listafólk og allir eru að spila saman því borgin er svo lítil. Tilraunamennskan er því meiri. Fyrir okkur snýst þetta ekki um hvaða tónlistarstefnum við erum að blanda saman heldur um gæði útkomunnar, við viljum bara búa til góða tónlist.“ Latínaðdáendur í borginni tóku við sér þegar tónlist Salsa Celtica fór að heyrast á krám og börum og þá byrjaði boltinn að rúlla. Stuttu síðar var farið að bjóða henni að spila á hátíðum og ýmiss konar uppákomum í fjarlægum löndum á sama tíma og salsabylgja reið yfir heimsbyggðina. Shippey hlær við þegar hann er spurður hvort salsa sé vinsæll dans í Skotlandi. „Ég veit ekki við hvað ég á að miða, ég held að salsa sé ekki mjög vinsælt á Íslandi eða hvað? En fyrir svona fimm árum varð alger salsasprenging í Bretlandi og allir fóru á salsanámskeið en fyrir tíu árum vissu fæstir hvernig tónlist þetta er.“ Shippey viðurkennir að ef til vill hafi hljómveitin lagt sitt af mörkum í salsabylgjunni. „Já, ætli við séum ekki svona salsa-diplómatar,“ segir hann gamansamur. Í fjölmörgum borgum eru salsaklúbbar eða salsakvöld þar sem dansáhugafólk mætir til þess að dilla sér og skaka við þessa skemmtilegu tónlist og hafa dansskólar hérlendis til að mynda staðið fyrir slíkum uppákomum. Nú, fjórum plötum síðar, er hljómsveitin búin að finna sinn eigin hljóm og félagarnir farnir að tala spænsku. Innanborðs eru allra þjóða spilarar, gítarleikari frá Chile, skoskur pípuleikari og fiðlari frá Írlandi en á plötunum hafa þeir einnig fengið til sín fjölmarga gesti, þar á meðal víðfræga salsalistamenn og þjóðlagasöngvara. Shippey segir kankvís að enn hafi enginn kjánast til þess að stæla tónlist Salsa Celtica. „Fólk hefur orðið fyrir áhrifum en það er ekki byrjað að herma eftir okkur, við höfum ekki komið af stað neinni bylgju keltneskrar salsatónlistar enn þá. Ég frétti samt af því að bandarískur salsalistamaður hefði gert plötu með keltnesku ívafi en það var átta árum eftir að við byrjuðum. Svo er víst líka til flamenco-hljómsveit sem farin er að blanda keltneskum áhrifum í sína músík. Maður veit aldrei hvað kemur tísku af stað.“ Tónleikar Salsa Celtica verða á skemmtistaðnum Nasa við Austurvöll hinn 18. maí. Mest lesið Villi á Benzanum slapp með skrekkinn Lífið Ævintýralega flóknar útskýringar á framtaksleysi og leti Lífið Dularfull glæpasaga fær bókafólk til að klóra sér í kolli Menning Vinsælasta TikTok-stjarna heims handtekin og yfirgefur Bandaríkin Lífið Brian Wilson látinn Tónlist Átta ára meðgöngu loksins að ljúka Lífið Skvísaðu þig upp fyrir íslenska sumarið Lífið Herra Hnetusmjör og Sara keyptu draumahúsið Lífið Ungfrú Ísland og Hringir Orfeusar og annað slúður með flest verðlaun á Grímunni Menning Wardruna í vanda – þegar dulúðin náði ekki flugi Gagnrýni Fleiri fréttir Gríman og glens í Borgarleikhúsinu Vinsælasta TikTok-stjarna heims handtekin og yfirgefur Bandaríkin Ævintýralega flóknar útskýringar á framtaksleysi og leti Pharoahe Monch með De La Soul á Lóu Skvísaðu þig upp fyrir íslenska sumarið Villi á Benzanum slapp með skrekkinn Átta ára meðgöngu loksins að ljúka Forsetabörnin loksins komin heim Herra Hnetusmjör og Sara keyptu draumahúsið Stjörnulífið: Sjóðheit og löng helgi Sly Stone er látinn Enn fjölgar í Hraðfréttafjölskyldunni Máli Baldoni vísað frá Ísland í neðsta og næstneðsta sæti hjá Ísraelum Nefndirnar sem smíða orðin: Lýðnetið víkur fyrir internetinu og þjarki fyrir bóta Að eiturefnum sé dreift úr flugvélum yfir fólk „Strákar verða að sýna tilfinningar“ Menningarveisla í allt sumar á Sólheimum „Grínast oft með að ég gaf honum um ellefu ár til að hætta við“ Af hverju er hvítasunnan haldin hátíðleg? „Ertu kannski Íslendingur?“ Brúnkukrems- og karókíkvöld á dagskrá kvenfanga Krakkatían: Aldur, tími og Greta Thunberg Söfnuðu milljón krónum fyrir ungt fólk með krabbamein Fékk sér Stöð 2 húðflúr í beinni útsendingu Vann gullverðlaun fyrir sykurblómaskreytingu Vala Kristín og Hilmir Snær búin að eiga Laufey Lín og Barbra Streisand leiða saman hesta sína Stuð og stemning á „árshátíð íslenskra þungarokkara“ í Stykkishólmi Þjóðhátíð um raunveruleikaþátt Brynjars: „Það er ekkert í boði“ Sjá meira
Hljómsveitin Salsa Celtica snýr aftur til Íslands til að leika á heimstónlistarhátíðinni Vorblót. Tónlist hennar er frumleg blanda af suðrænni sveiflu og norrænum áhrifum sem vakið hefur stormandi lukku og fjör í fótum um allar jarðir. Trompetblásarinn og slagverksleikarinn Toby Shippey er einn af stofnendum sveitarinnar, sem fyrir rúmum áratug byrjaði að bræða saman blóðheita latíntónlist og keltneska tónlistarhefð í Edinborg í Skotlandi. Hann kveðst kátur yfir annarri Íslandsheimsókn enda skemmtu hljómsveitarmeðlimir sér afbragðsvel síðast. „Hljómsveitin byrjaði reyndar sem meiri félagsskapur en hugmynd um eitthvert risaband. Ég vissi ekki mikið um salsatónlist til að byrja með, við vorum bara að prófa okkur áfram.“ Tónlistarlífið í Edinborg er einstakt og Shippey útskýrir að hljómsveitin hefði vart getað orðið til annars staðar. „Hér er mjög fjölbreytt tónlistarlíf en það koma ekki margar frægar rokksveitir frá Endinborg, meira um djasstónlistarmenn, þjóðlagamúsík, hiphop og soul-listafólk og allir eru að spila saman því borgin er svo lítil. Tilraunamennskan er því meiri. Fyrir okkur snýst þetta ekki um hvaða tónlistarstefnum við erum að blanda saman heldur um gæði útkomunnar, við viljum bara búa til góða tónlist.“ Latínaðdáendur í borginni tóku við sér þegar tónlist Salsa Celtica fór að heyrast á krám og börum og þá byrjaði boltinn að rúlla. Stuttu síðar var farið að bjóða henni að spila á hátíðum og ýmiss konar uppákomum í fjarlægum löndum á sama tíma og salsabylgja reið yfir heimsbyggðina. Shippey hlær við þegar hann er spurður hvort salsa sé vinsæll dans í Skotlandi. „Ég veit ekki við hvað ég á að miða, ég held að salsa sé ekki mjög vinsælt á Íslandi eða hvað? En fyrir svona fimm árum varð alger salsasprenging í Bretlandi og allir fóru á salsanámskeið en fyrir tíu árum vissu fæstir hvernig tónlist þetta er.“ Shippey viðurkennir að ef til vill hafi hljómveitin lagt sitt af mörkum í salsabylgjunni. „Já, ætli við séum ekki svona salsa-diplómatar,“ segir hann gamansamur. Í fjölmörgum borgum eru salsaklúbbar eða salsakvöld þar sem dansáhugafólk mætir til þess að dilla sér og skaka við þessa skemmtilegu tónlist og hafa dansskólar hérlendis til að mynda staðið fyrir slíkum uppákomum. Nú, fjórum plötum síðar, er hljómsveitin búin að finna sinn eigin hljóm og félagarnir farnir að tala spænsku. Innanborðs eru allra þjóða spilarar, gítarleikari frá Chile, skoskur pípuleikari og fiðlari frá Írlandi en á plötunum hafa þeir einnig fengið til sín fjölmarga gesti, þar á meðal víðfræga salsalistamenn og þjóðlagasöngvara. Shippey segir kankvís að enn hafi enginn kjánast til þess að stæla tónlist Salsa Celtica. „Fólk hefur orðið fyrir áhrifum en það er ekki byrjað að herma eftir okkur, við höfum ekki komið af stað neinni bylgju keltneskrar salsatónlistar enn þá. Ég frétti samt af því að bandarískur salsalistamaður hefði gert plötu með keltnesku ívafi en það var átta árum eftir að við byrjuðum. Svo er víst líka til flamenco-hljómsveit sem farin er að blanda keltneskum áhrifum í sína músík. Maður veit aldrei hvað kemur tísku af stað.“ Tónleikar Salsa Celtica verða á skemmtistaðnum Nasa við Austurvöll hinn 18. maí.
Mest lesið Villi á Benzanum slapp með skrekkinn Lífið Ævintýralega flóknar útskýringar á framtaksleysi og leti Lífið Dularfull glæpasaga fær bókafólk til að klóra sér í kolli Menning Vinsælasta TikTok-stjarna heims handtekin og yfirgefur Bandaríkin Lífið Brian Wilson látinn Tónlist Átta ára meðgöngu loksins að ljúka Lífið Skvísaðu þig upp fyrir íslenska sumarið Lífið Herra Hnetusmjör og Sara keyptu draumahúsið Lífið Ungfrú Ísland og Hringir Orfeusar og annað slúður með flest verðlaun á Grímunni Menning Wardruna í vanda – þegar dulúðin náði ekki flugi Gagnrýni Fleiri fréttir Gríman og glens í Borgarleikhúsinu Vinsælasta TikTok-stjarna heims handtekin og yfirgefur Bandaríkin Ævintýralega flóknar útskýringar á framtaksleysi og leti Pharoahe Monch með De La Soul á Lóu Skvísaðu þig upp fyrir íslenska sumarið Villi á Benzanum slapp með skrekkinn Átta ára meðgöngu loksins að ljúka Forsetabörnin loksins komin heim Herra Hnetusmjör og Sara keyptu draumahúsið Stjörnulífið: Sjóðheit og löng helgi Sly Stone er látinn Enn fjölgar í Hraðfréttafjölskyldunni Máli Baldoni vísað frá Ísland í neðsta og næstneðsta sæti hjá Ísraelum Nefndirnar sem smíða orðin: Lýðnetið víkur fyrir internetinu og þjarki fyrir bóta Að eiturefnum sé dreift úr flugvélum yfir fólk „Strákar verða að sýna tilfinningar“ Menningarveisla í allt sumar á Sólheimum „Grínast oft með að ég gaf honum um ellefu ár til að hætta við“ Af hverju er hvítasunnan haldin hátíðleg? „Ertu kannski Íslendingur?“ Brúnkukrems- og karókíkvöld á dagskrá kvenfanga Krakkatían: Aldur, tími og Greta Thunberg Söfnuðu milljón krónum fyrir ungt fólk með krabbamein Fékk sér Stöð 2 húðflúr í beinni útsendingu Vann gullverðlaun fyrir sykurblómaskreytingu Vala Kristín og Hilmir Snær búin að eiga Laufey Lín og Barbra Streisand leiða saman hesta sína Stuð og stemning á „árshátíð íslenskra þungarokkara“ í Stykkishólmi Þjóðhátíð um raunveruleikaþátt Brynjars: „Það er ekkert í boði“ Sjá meira