Veik von um að mennirnir séu enn á lífi

Aðstandendur sextíu og fimm námaverkamanna í Mexíkó, sem sitja fastir á þriggja metra dýpi, bíða nú milli vonar og ótta um að það takist að bjarga þeim í tæka tíð.

Mennirnir festust inni eftir að sprengin varð í kolanámunni í gær í bænum San Juan de Sabinas í Mexíkó. Björgunarsveitarmenn keppa nú við tímann í þeirri veiku von að mennirnir séu enn á lífi. Líkurnar á því eru taldar hverfandi þar sem þeir voru aðeins með súrefnisbirgðir sem áttu að endast í sex klukkustundir þegar slysið átti sér stað. Átta námaverkamenn voru fluttir á slysadeild eftir sprenginguna en þeir voru við op námunnar þegar sprengingin varð. Súrefniskútar eru víða um námurnar óvíst er hvort að mennirnir nái til þeirra.