Fundað um fuglaflensu

Þýsk stjórnvöld leggja mikla áherslu á að koma í veg fyrir að hinn banvæni H5N1 fuglaflensu stofn breiðist út um Þýskaland. Lanbúnaðarráðherrar Evrópuríkja funda í Brussel í dag um fuglaflensuna og mögulegar aðgerðir gegn henni.

Horst Seehofer, landbúnaðarráðherra Þýskalands, sagði fyrir fundinn að mikil áhersla væri lögð á að ná tökum á útbreiðslu flensunnar á þýsku eynni Rügen í Eystrasalti. Um tvö hundruð og fimmtíu þýskir hermenn vinna nú við að hreinsa dauða fugla á þýskum ströndum við Eystrasalt. Vírusinn hefur nú greinst í yfir áttíu fuglum og er hluti fuglanna svanir.