Skotbardagi fyrir utan skemmtistað í Kaupmannahöfn

Tveir liggja með skotsár á sjúkrahúsi eftir að ágreiningur manna á milli fór úr böndunum fyrir utan skemmtistað í Kaupmannahöfn í gærmorgun. Mennirnir fengu báðir byssukúlu í annan fótinn og þá var þriðji aðili skorinn í andlitið. Tveir menn voru handteknir á vettvangi en að sögn lögreglunnar í Kaupmannahöfn hefur öðrum þeirra þegar verið sleppt. Ekki er vitað hvert deiluefnið var en talið er að tvær klíkur hyggðust útkljá einhver mál sín á milli með því að grípa til vopnanna.