Ísraelar afhenda ekki skatta

Ísraelar ætla ekki að afhenda heimastjórn Palestínumanna skatta sem þeir taka af palestínskum verkamönnum. Þá ætla þeir heldur ekki að afhenda þeim tolla sem Ísraelsstjórn innheimtir af vörum sem Palestínumenn flytja inn. Ísraelar tilkynntu þetta eftir setningu nýs þings Palestínumanna í gær. Um er að ræða þrjá milljarða króna en þeim verður varið til að greiða 140 þúsund starfsmönnum heimastjórnarinnar laun. Mahmoud Abbas, forseti Palestínumanna, fól Hamas stjórnarmyndun í gær. Búist er við því að Ismail Hanijeh, 43 ára bókmenntafræðingur, verði næsti forsætisráðherra Palestínumanna.