Umgengni um borgina ábótavant

Umhverfissvið Reykjavíkurborgar hefur hafið síðasta liðinn í átakinu Virkjum okkur en markmið þess er að fá fólk til að huga að umgengni um borgina sem víða er ábótavant. Árlega fara um 23 milljónir króna í hreinsun borgarinnar.

Átakið Virkjum okkur er liður í vitundarvakningu í umhverfismálum sem hefur staðið yfir síðan í haust. Síðastu liðurinn í átakinu er hafinn og nú á að beina sjónum almennings að umgengni og hreinsun borgarinnar. Síðustu viku aprílmánaðar verður svo vorhreinsunarátak en þá munu starfsmenn framkvæmdarsviðs Reykjavíkurborgar aðstoða íbúa við að fjarlægja garðúrgang. Gunnar Hersveinn, upplýsingafulltrúi umhverfissviðs Reykjavíkurborgar, segir að mikilvægt að vekja fólk til umhugsunar til langframa og það sé meðal annars markmið átaksins.

Rusl dreifist auðveldlega þegar hvassviðri er mikið líkt og síðustu daga en rót vandans er þó engu að síður, við neytendurnir.