MS flytur og störfum fækkar

Starfsmönnum Mjólkursamsölunnar í Reykjavík mun fækka um fjörutíu á næstunni, þegar mjólkurpökkunin verður flutt austur á Selfoss í Mjólkurbú Flóamanna, að því er Guðbrandur Sigurðsson, forstjóri Mjólkursamsölunnar tilkynnti á starfsmannafundi í morgun.

Vegna aukinnar sjálfvirkni mun störfum á Selfossi ekki fjölga nema um 20 og síðan fækka aftur um sjö, þegar framleiðsla svonefndra desertosta verður flutt þaðan í Mjólkursamlagið í Búðardal. Engin fjölgun verður þar við þennan flutning. Jafnframt þessum breytingum verður dreyfingarþáttur Mjólkursamsölunnar í Reykjavík elfdur með fleiri vöruflokkum í dreyfingu þannig að þar mun á næstu tveimur árum fjölga um 15 manns.

Guðbrandur segir að þessar aðgerðir komi til eftir sameiningu Mjólkurbús Flóamanna og Mjólkursamsölunnar í fyrra. Vegna þessara breytinga þarf nú að ráðast í byggingu 3.000 fermetra verksmiðjuhúss við mjólkurbúið á Selfossi.